Mester kontrola no riba tereno di Isla/Cru so, pero ront Korsou i ku mucha mas regularidat.

Esaki pa motibu ku e magnitud di ilegalidat pafo di e tereno di refineria (incluso bullenbaai) ta aun mas grandi. E ilegalidat aki konose diferente forma. Entre otro uso di kompanianan illegal, trahadonan illegal, uso di trahadonan ku ta traha pretu, uso di trahadonan legal pero sin ta paga primanan soshal i belasting, I mal uso di e figura di “eenmanszaak”. Tur e praktikanan illegal aki tin komo meta pa por tene prijs mas abou posibel. Resultado di esaki ta, ku kontratistanan ku si ta di buena fe, esta ku ta kumpli ku lei i regla, no por kompeti. Konsekuensha di esaki pa e trahado di buena fe ta ku e no ta hanja trabou, I ta mira kon trabou ta bai pa ilegalnan I trahadonan ku ta traha pretu. Pa kompanianan di buena fe, e por nifika siere di nan portanan, of redukshon dratistiko den invershon den personal I material. Ta pa hopi tempu kaba AAV a bin ta mustra riba e desarojonan aki. I den e kuadro aki a bin ta papia ku gobiernu pa e asumi su responsabilidat den esaki.

Pero los for di e rol ku gobiernu tin di segura ku tin kompetensha husto, gobiernu mes tambe tin e rol di “opdrachtgever” pa projektonan di konstrukshon i mantenshon. E rol aki ta direct (via di DOW i Wegenfonds), pero tambe indirect via di kompanianan i fundashonan di gobiernu. I tan a gobiernu e eskoho:

  • Nan por traha ku kompanianan lokal ku ta emplea tragadonan lokal i legal pa nan projektonan, ku konsekuensha ku ta juinan di tera ta hanja trabou, I e sen ta keda na Korsou. Of gobiernu por skohe pa bai laman ku kompanianan ku ta di eksterior i ku ta emplea estranhero, ku konsekuensha ku tur e sen ta bai eksterior, manera ta pasando na Aqualectra I na BOO.
  • Gobiernu por disidi ku e ta skohe pa traha ku kontratistanan ku ta opera kontra lei I ku trahadonan illegal of pretu, ku no ta paga belasting I primanan soshal, pa asina hanja prijsnan mas barata. Of e por hasi e eskoho pa traha ku kontratistanan ku ta opera segun lei i regla den tur sentido di palabra. Den e proseso di destaho, por check esei.

Mirando ku ta trata di sen di pueblo, no por otro ku gobiernu ta soru pa esaki keda gasta na un manera transparente; I ku e ta traha ku kompanianan ku ta opera segun lei I regla; I ku kompanianan ku ta soru pa junan di tera ku ta traha legal ta hanja trabou.

E kaso di e siman aki kaminda e detene 29 trahado estranhero riba tereno di BOO pa motibu di falta di nan papelnan, ta mustra riba un praktika kaminda no a hasi uso di niun kontratista lokal, i/of no a hasi uso di trahadonan jui di tera, i/of ta funshona sin e permitnan nesesario. Tur esaki ta kontra di e loke AAV ta kere ku un gobiernu en general ta suppose di para pe. Ta pesei AAV ta sostene e kontrol aki door di outoridatnan, I ta spera ku ta hasi un invetsigashon profundo den e kaso aki.