Spich di director di AAV

Spich di director di AAV

Spich di director di AAV, sr Mike Willem, na okashon di nan evento di anja nobo 2014, riba 24 di Jan na hotel Hilton

Titulo: Konstrukshon I kompetensha inhustu

Miembro I invitado nn,

Prome ku tur kos, bonochi I un bon anja nobo un bes mas, pa boso tur. Mi ta kontentu di mira diferente kara konosi atrobe. Ta tradishon ku na e okashon nn aki, director di AAV ta wak bek riba e anja tras di lomba I ta duna alabes tambe su pensamentu pa e anja nobo I esnan ku ta sigi. E ultimo aki semper ta bai akompanja ku basta factor nn ku ta insigur, I por lo tanto no ta un tarea fasil. Pero nos a disidi ku e anja aki nos presidente, Wendell, lo keda enkarga ku esaki. I nos tur por a kaba di tende di dje.

E uniko ku lo kier a anjadi na e loke e la bisa, ta ku anja 2013 ta parse di lo sera ku un kresementu negative di ½ porshentu, ku ku esaki definitivamente ta muchu mas miho ku e pronostiko inisial di entre 1.6 pa 2.2 % negative. Pa loke ta trata perspektiva, mi ke bisa dos kos. E kresemente di ½ porshento projekta pa 2014, ta miho ku e loke nos a konose ultimo anjanan, pero lew for di bon. Tambe mi ke mustra komo ekonomista riba e hecho ku gran parti di nos aktividat ekonmiko ta wordu karga pa invershonan publiko. I manera mi a bisa anja pasa kaba, esaki tin limite. Ta importante pa nos ekonomia wordu karga mas pronto ku ta posibel door di konsumo I invershon nn priva. Pues ta importante pa e shift tuma luga mas pronto ku ta posibel, pa evita ku nos ta bolbe kai aki un par di anja den e mesun sitwashon. Pero pa hasi esaki posibel, mester logra baha tarifa nn di IB I WB.

Damas I kaballeros,

Anja pasa na e mesun okashon aki, mi a dedika algun palabra na e problema di eskivaahon di prima nn soshal I impuesto, ku ta kousante di kompetensha inhustu den e sector di konstrukshon. Damas I kaballeros, e problema aki ta birando dia pa dia mas grandi, I por lo tanto propisio pa mi dedika mas atenshon na esaki e anja aki.

Anja pasa, den kwadro di un ehersisio pa aktwalisa nos plan strategiko, direktiva diario a bishita varios di nos miembro nn, pa asina hanja un idea kon nan ta eksperenshando e krisis ekonomiko. E feedback aki, huntu ku sentimentu ku nos a bin ta tuma nota di dje durante reunion nn di direktiva, I tambe feedback di sierto kompania nn ku no ta miembro, a pone nos jega na e konklushon ku e problema di kompetensha inhustu ta un di esnan di mas grandi, ku no ta esun di mas grandi. I ta bin aserka ku e problematiko aki den momentu nn di crisis, ta bira aun mas grandi.

E preshon ku e kontratista tin riba dje pa entrega su trabou na tempu, akompanja pa margen nn di ganashi hopi abou, ta faktor nn importante den su sobrevivensha empresarial. I pues pa sobrevivi ta buska tur manera pa den e tempu difisil aki, redusi gastu nn. I e gastu di mas grandi ta kosto di labor, i pues e prome kaminda ku e ta bai wak pa redusi gastu. I den e kwadro aki bo ta hanja’bo ku kontratistanan ku ta hasi nan mes kulpabel na uso di (i permiti’mi di usa e palabra nn hulandes): illegalen, zwartwerkers, zwart overuren betalen, het fenomeen “eenmanszaken”, bedrijven die de facto geen aannemersbedrijven zijn, constructies om de aannemingsketen te omzeilen, en import van buitenlandse krachten (vaak alleen met een verblijfsvergunning). Tur esaki ku e meta pa por traha mas barata, i kompeti ku prijsnan hopi bes absurdamente abou.

Pa AAV ta un eskandalo I insolito ku e sitwashon nn aki ta manifestando nan mes riba un eskala grandi asina, I ta mira kontinuamente kon projekto nn ta wordu ehukuta tras di afrastering haltu pa asina tapa aktividatnan illegal ku ta tuma luga.

A introdusi na 2002 e asina jama Wet Ketenaansprakelijkheid (Wka), ku e meta pa kombati e sitwashon nn aki, i asina jega na kompetensha mas hustu den e sektor aki. Pero mirando e sitwashon di awendia, nos mester konstata ku no a logra e metanan en kuestion komo debe ser. I e motibu nn ta konosi. Nan ta:

1. Na prome luga, a aproba e lei, lagando un parti instrumental afo ku ta e asina jama G-rekening.

2. Na di dos luga mester konstata ku e instanshanan enkarga ku control, manera SVB I Belasting, no ta dispone di e kapasidat nesario pa kontrola tur empresa I projekto. I sigur no aworaki, ku pa motibu di oumento di gastu pa motibu di medidanan, e preshon pa rekuri na ilegaliat a bira mas grandi so.

 

Damas I kaballero,

 

Ta simplemente inakseptabel ku den e tempu nn difisil aki, kompania nn ku si ta traha segun lei I regla ta wordu stroba pa esnan ku no ta hasi esei, I no ta duna muestra di niun sentido di responsabilidat soshal.

 

Nos ta pro kompetensha hustu. I kisas mas aun den tempu di krisis. Pero e kompetensha ei mester ta sano si. I ta esei ta e problema. Esnan ku ta opera na un manera responsabel ta kai chiki na esnan ku ta hasi nan mes kulpabel di e praktika nn ja menshona. I Korsou ta un isla chiki, kaminda masha lihe tur hende ta sa ken ta ken.

E konsekwenshanan negativo di e desarollo aki, ta dos: 1) serka e kontratista bonafide ku no por kompeti bou di e sirkumstanshanan aki, kuponan di trabou ta wordu peligra i tambe invershonan importante den kapital i labor, ta bai den ijskast, i 2) gobiernu ta deja di hanja hopi entrada i de facto ta kontribui na e desempleo.

 

Pa loke ta e prome, no ta un sekreto ku ultimo anjanan diferente kontratista ya sea a sera porta; a baha e kantidat di hende ku nan ta huur in; of a baha e kantidat di trabou ku nan ta subkontrata na otro kontratista. Tur esaki paso strukturalmente no tin sufisiente trabou, entre otro debi na kompetensha inhustu.

Gobiernu en kambio, ta perde di hanja hopi sen. Un ehersisio ku a hasi na 2004 a indika ku gobiernu ta perde di hanja alrededor di 20 mion. Si nos tuma na konsiderashon e sitwashon di awendia, no mester stranja nos ku e montante ei ta hopi mas grandi. Tin ta pensa ku e ta surpasa 100 mion. Esaki ta montantenan ku na nos humilde opinion no ta poko, I ta sen ku gobiernu por hasi hopi ku ne den su afan pa kombati e problemanan sosial-ekonomiko I di pobresa ku nos tin den e pais aki.

Damas I kaballeros,

Kiko ta e solushon ?

1. Na prome luga nos ta keda insisti den kambio den e lei di WKa, pa asina hasi e opdrachtgever responsabel, I evita eskemanan pa eskiva pago di prima I belasting. Den e lei original a stipula ku despues di 3 anja lo a evalua e lei aki. Awe nos ta 11 anja mas lew, I kisas e momentu ta oportuno pa awo si laga hasi un evaluashon indeependiente di e lei aki den tur su aspektonan.

2. Na di dos luga, nos ta sigi insiti riba mas control. Tur kos den e komunidat aki ta para of kai ku control.

3. Na di tres luga mi ke hasi menshon di gobiernu su intenshon pa bini ku un lei di kompetensha. Esaki tambe ta un desarollo ku ta welkom I ku por juda.

4. I “last but not least” nos ta hasi un jamada na gobiernu pa re-aktiva e komishon di werkvergunning ku a keda lanta bou di minister Koeiman.

Damas I kaballeros, danki pa e atenshon.

Mi ke invita bo awor pa un presentashon di Apri, nos invitado speshal di awe, I despues pa algun drinks I tremendo b-b-que.